A.F.E.M. MOREA

Grazas á financiación da Deputación de Pontevedra a Asociación Morea puido levar a cabo este ano  na súa delegación de Lalín o Programa “Atención e intervención en familias de persoas con enfermidade mental crónica”, un proxecto que busca mellorar a calidade de vida e o benestar emocional das familias a través da información, asesoramento e orientación, así como o apoio e acompañamento emocional.

A Asociación MOREA contou este ano nas súas sedes de Ourense e O Barco cun novo servizo, o Equipo de Apoio Social (EASC), coa financiación da Diputación de Ourense, o que permitiu achegar a atención domiciaria no seu propio entorno a persoas con enfermidade mental crónica, e as súas familias. Así mesmo, e tamén grazas á axuda da Deputacióm, puido desenrolarse en Verín o Programa de Formación en T.I.C. para Persoas con Enfermidade Mental Crónica.

O Concello de Ourense ven de renovar a súa colaboración coa A.F.E.M. Morea, destinada á integración social de persoas con emfermidade mental severa e as súas familias.

Dentro deste proxecto levaranse a cabo diferentes actuacións, entre elas:

- Información, asesoramento e supervisión de persoas con enfermidade mental severa e as súas familias.

- No Clube Social, actividades para a organización e aproveitamento do tempo libre dos doentes como medio pra favorecer a integración na comunidade.

- No cíber, e de cara ao público en xeral e a os socios da entidade, acceso á sala de informática, ca finalidade de promover a interacción ca comunidade e promocionar o achegamento ás novas tecnoloxías.

- Campañas públicas de información e sensibilización á sociedade acerca da enfermidade mental severa.

Agradecemos ao Concello de Ourense a súa implicación e sensibilidade na axuda ao colectivo de persoas con enfermidade mental severa e as súas familias.